ដប់ឆ្នាំកម្រកើតឡើងម្ដងគួរកុំខកខាន! សំបុត្រចូលទស្សនាការប្រកួតវគ្គផ្ដាច់ព្រ័ត្រ AFC Challenge League ត្រឹម៥ពាន់រៀល

AA2888 SPORT NEWS: តាមរយៈការប្រកាសរបស់ក្លិបព្រះខ័នរាជស្វាយរៀងក្នុងបណ្ដាញសង្គមរបស់ខ្លួន អ្នកគាំទ្របាល់ទាត់អាចជាវសំបុត្រត្រឹម ៥ ០០០រៀល និង ៨ ០០០រៀល សម្រាប់ទស្សនាផ្ទាល់ការប្រកួតវគ្គផ្តាច់ព្រ័ត្រ AFC Challenge League រវាងព្រះខ័នរាជស្វាយរៀង និង FK Arkadag នៅថ្ងៃទី១០ ខែឧសភា។ សំបុត្រ នឹងចាប់ផ្ដើមលក់ចាប់ពីថ្ងៃទី១ ខែឧសភា តទៅនេះហើយ។

ជំនួបវគ្គផ្តាច់ព្រ័ត្រដណ្តើមជើងឯកពានរង្វាន់កម្រិតទី៣អាស៊ី AFCCL រដូវកាល ២០២៤-២៥ រវាងក្រុមនៃលីគកំពូលកម្ពុជា ព្រះខ័នរាជស្វាយរៀង និងក្រុមពីតួកមេនីស្ថាន FK Arkadag នឹងត្រូវធ្វើនៅពហុកីឡដ្ឋានជាតិមរតកតេជោ ដែលអាចផ្ទុកទស្សនិកជន ៧៥០០០នាក់ តែយ៉ាងណាក្ដី! សំបុត្រមានកំណត់ត្រឹម៥ម៉ឺននាក់ប៉ុណ្ណោះ។

បើតាមសេចក្តីប្រកាសរបស់ក្លិបព្រះខ័នរាជស្វាយរៀង សំបុត្រចូលរួមទស្សនាការប្រកួតនេះ នឹងត្រូវដាក់លក់ក្នុងតម្លៃពីរជម្រើស មានតម្លៃ ៥០០០រៀល និង ៨០០០រៀល ប៉ុណ្តោះ (ជាន់ទី១៖ ៥០០០រៀល, ជាន់ទី២៖ ៨០០០រៀល និងជាន់ទី៣៖ ៥០០០រៀល)។ សំបុត្រ នឹងចាប់ផ្ដើមលក់ចាប់ពីថ្ងៃទី១ ខែឧសភា មុនការប្រកួត១០ថ្ងៃ។

ក្រុមដណ្តើមបានជើងឯក AFC Challenge League រដូវកាលនេះ នឹងទទួលបានកៅអីលំដាប់ទី២អាស៊ី AFC Champions League Two វគ្គជម្រុះក្នុងពូលរដូវកាលក្រោយ និងប្រាក់រង្វាន់ ១លានដុល្លារ ស្របពេលក្រុមរងជើងឯក បាន ៥០ម៉ឺនដុល្លារ៕

~ ~ ~ ~ * ~ ~ ~ ~

☎️ ផ្នែកសេវាអតិថិជន និងបើកអាខោនផ្ទាល់

🌐តេឡេក្រាម៖ https://t.me/sun2888helpcenter

#AA2888 #Sun2888 #Apple65