Carlo Ancelotti បង្ហើបថា Bellingham ជាមួយនិង Mbappe នឹងលេងពាន UEFA Super Cup

ក្រៅ​ពី​ការ​ប្រកួត​មិត្ត​ភាពមុនបើករដូវ​កាល Real Madrid នឹង​ត្រូវ​ប្រជែង​យក​ពាន​ពិត​ប្រាកដ​ក្នុង​រយៈ​ពេល​តែ​១០​ថ្ងៃទៀត​ប៉ុណ្ណោះ។

Carlo Ancelotti បង្ហើបថា Bellingham ជាមួយនិង Mbappe នឹងលេងពាន UEFA Super Cup

ជាក់ស្តែង អធិរាជសនឹងត្រូវការក្រុមល្អបំផុតរបស់ពួកគេសម្រាប់ការប្រកួត UEFA Super Cup ជាមួយ Atalanta ។ លោក Carlo Ancelotti បាន​ធានា​ដល់​អ្នក​គាំទ្រ​ថា​ពួកគេថា ​កីឡាករ​ល្អៗផ្សេងទៀតនឹង​មាន​វត្តមាន​នៅ​ថ្ងៃ​ទី ១៤ ខែ​សីហា។

គាត់បានប្រាប់អ្នកសារព័ត៌មានក្រោយ​លេង​ចាញ់ FC Barcelona ព្រឹកមិញថា៖ «[Kylian] Mbappe នឹងចាប់ផ្តើមនៅក្នុង Super Cup ជាក់ស្តែង Jude Bellingham ក៏មាន​វត្តមានផងដែរ។ ពួកគេទាំងពីរបានត្រៀមខ្លួនរួចរាល់ហើយ»។

Jude Bellingham

កីឡាករទាំងពីរនឹងបន្តការហ្វឹកហាត់នៅទីលាន Valdebebas នៅថ្ងៃពុធសប្តាហ៍ក្រោយ ហើយ​ពួគគេ​មាន​ពេល​មួយសប្ដាហ៍ក្នុង​ការ​ស្ដារទម្រង់​លេង​របស់​ពួគគេ​ដើម្បី​ត្រៀម​ប្រកួតដ៏សំខាន់​មួយនេះ។