ខ្សែបម្រើ Edoardo Bove របស់ក្លិប Fiorentina ដួលសន្លប់ក្នុងពេល​ប្រកួតយប់មិញ

ខ្សែបម្រើ Edoardo Bove របស់ក្លិប Fiorentina ដែលមានអាយុ 22 ឆ្នាំ បច្ចុប្បន្នកំពុងស្ថិតក្នុងការមើលថែយ៉ាងយកចិត្តទុកដាក់ បន្ទាប់ពីបានដួលសន្លប់ អំឡុងពេលប្រកួតជាមួយក្រុម Inter Milan កាលពីយប់មិញ(1 ខែធ្នូ)។

Edoardo Bove របស់ក្លិប Fiorentina ដួលសន្លប់ក្នុងពេល​ប្រកួតយប់មិញ

Bove បានដួលពេល​កំពុង​ប្រកួត ហើយត្រូវបានគេបញ្ជូនទៅមន្ទីរពេទ្យភ្លាមៗ ។ពេល​នេះ គាត់កំពុងសម្រាក និងនៅក្នុងបន្ទប់ថែទាំ ICU ។

ក្លិប Fiorentina បានចេញសេចក្តីថ្លែងការណ៍មួយដោយបញ្ជាក់ថា Bove ស្ថិតក្រោមការសម្រាកនៅមន្ទីរពេទ្យសាកលវិទ្យាល័យ Careggi ក្នុងទីក្រុង Florence បន្ទាប់ពីបាត់បង់ស្មារតីអំឡុងពេលប្រកួត។ លើសពីនេះ ការធ្វើតេស្តដំបូងបានបង្ហាញថា មិនមានការខូចខាតធ្ងន់ធ្ងរដល់ប្រព័ន្ធសរសៃប្រសាទ បេះដូង ឬសួតរបស់គាត់ទេ។

Edoardo Bove របស់ក្លិប Fiorentina ដួលសន្លប់ក្នុងពេល​ប្រកួតយប់មិញ

យោងតាម ​​Sky Sport Italia Bove អាចដកដង្ហើមដោយខ្លួនឯងមិនចាំបាច់​ប្រើ​អុកស៊ីសែនជំនួយ ហើយបានដឹងខ្លួនឡើងវិញហើយ។