ក្រីក្រទេតែ FC Barcelona ដាក់សុទ្ធតែ Plan A, Plan B ដើម្បី​ទិញ​ខ្សែ​ប្រយុទ្ធ២រូប​នេះ

FC Barcelona កំណត់គោលដៅ Erling Haaland សម្រាប់ឆ្នាំ 2026 (Plan A) ហើយ Viktor Gyokeres ស្ថិត​ក្នុងផែនការ B។ លោក David Bernabeu រាយការណ៍ថាគោលបំណងរបស់ Barcelona គឺចុះហត្ថលេខាលើ Erling Haaland ក្នុងឆ្នាំ 2026 ។

Barcelona កំណត់គោលដៅ Erling Haaland សម្រាប់ឆ្នាំ 2026 ហើយ Viktor Gyokeres ស្ថិត​ក្នុងផែនការ B

ចំណែកខ្សែប្រយុទ្ធ Viktor Gyokeres ត្រូវបានចាត់ទុកថាជា Plan B របស់ពួកគេ។ Jona Laporta ត្រូវបានគេរាយការណ៍ថា សុបិនចង់ចុះហត្ថលេខាលើ Haaland អស់រយៈពេលជាច្រើនឆ្នាំមកហើយ។ ពួកគេ​មាន​គម្រោង​ចុះ​កុងត្រា​ខ្សែប្រយុទ្ធន័រវេសរូបនេះឱ្យ​បាន​មុនពេលលោក​ Jona Laporta អស់អាណត្តិលោកជាប្រធាន​ក្លិបដែល​នៅ​សល់តែ២ឆ្នាំទៀត​ប៉ុណ្ណោះ។

Barcelona កំណត់គោលដៅ Erling Haaland សម្រាប់ឆ្នាំ 2026

ទំនាក់ទំនងរវាងប្រធានក្លិប FC Barcelona លោក Laporta និងភ្នាក់ងារកីឡាករន័រវេសលោក Rafaela Pimenta ត្រូវបានគេនិយាយថាមានភាពរលូនទៅមុខ។ ភាគីទាំងពីរពិតជាជឿជាក់គ្នាទៅវិញទៅមក ដែលនេះត្រូវបានគេនិយាយថា ជាអត្ថប្រយោជន៍ដែល ក្រុមអ្នកមានបុណ្យតែក្រ មាននៅក្នុងការប្រកួតប្រជែង​យកសម្រាប់ខ្សែប្រយុទ្ធ។ លើសពីនេះ ប្រធានផ្នែកកីឡារបស់ Barca លោក Deco បានជួបជាមួយ Pimenta ពីរបីដងទៅហើយកាលពីដើមឆ្នាំនេះ។

Haaland រកបាន 15 គ្រាប់ក្នុងការបង្ហាញខ្លួន 16 ដងសម្រាប់ Manchester City ក្នុងរដូវកាលនេះ។ កិច្ចព្រមព្រៀងបច្ចុប្បន្នរបស់គាត់ជាមួយ Man City នឹងផុតកំណត់នៅឆ្នាំ 2027 ខណៈដែលតម្លៃផ្ដាច់​កុងត្រាគឺ 200 លានអឺរ៉ូ។

Viktor Gyokeres ស្ថិត​ក្នុងផែនការ B របស់ FC Barcelona

សម្រាប់ Viktor Gyokeres ខ្សែប្រយុទ្ធសញ្ជាតិស៊ុយអែតរូបនេះបានស៊ុតបញ្ចូលទីបាន 23 គ្រាប់ និងបញ្ជូនបាល់ឱ្យមិត្តរួមក្រុមចំនួន 3 ដងសម្រាប់ក្រុម Sporting Lisbon ក្នុងរដូវកាលនេះ។ លក្ខខណ្ឌផ្ដាច់កុងត្រាកីឡាករវ័យ 26 ឆ្នាំត្រូវបានគេរាយការណ៍ថាមានតម្លៃ 100 លានអឺរ៉ូ។ ទោះយ៉ាងណាក៏ដោយ Sporting ប្រហែលជាយល់ព្រមលក់កីឡាកររូបនេះក្នុងតម្លៃទាប។