Jamie Carragher ថា ជ័យជម្នះរបស់ Real Madrid មិនមែនមកពីសំណាង

វីរបុរសក្រុមហង្សក្រហម Liverpool លោក Jamie Carragher បាននិយាយថា ជ័យជម្នះរបស់ Real Madrid មកលើក្រុម FC Bayern Munich មិនមែនជាសំណាងនោះទេ។

Real Madrid បានបង្ហាញពីភាពអស្ចារ្យរបស់ខ្លួន ខណៈដែលពួកគេបានវាយបកយកឈ្នះនៅចុងម៉ោង ខណៈដែល Joselu ស៊ុត២គ្រាប់ម្នាក់ឯង។

លោក Jamie Carragher មិនមែនជាអ្នកដែលស្រឡាញ់ Real Madridនោះទេ ប៉ុន្តែគាត់បានផ្ដល់ក្រេឌីតទាំងអស់ទៅកាន់កូនក្រុមរបស់លោក Carlo Ancelotti ។

គាត់បាននិយាយថា ៖«វាមិនគួរឲ្យជឿនូវអ្វីដែលពួកគេបានធ្វើ។ ហើយវាមិនមែនជាសំណាងនោះទេ ប្រសិនបើអ្នកបន្តធ្វើបែបនេះរាល់ៗរដូវកាលវាពិតជាពិសេស ។ ហើយច្បាស់ណាស់! គូប្រកួតដែលប្រុងនឹងជួបពួកគេក្នុងពានរង្វាន់ណាក៏ដោយនឹងដឹងថា ការរកជ័យជម្នះចុងម៉ោងនឹងកើតឡើងសម្រាប់ Real Madrid»។

«សម្រាប់ Real Madrid នៅក្នុងការប្រកួតបែបនេះ តែងតែធ្វើឱ្យភ្ញាក់ផ្អើល»។

លទ្ធផលចប់ការប្រកួត Real Madrid 2-1 FC Bayern Munich

ជាការពិតណាស់ វាមិនមែនជាសំណាងនោះទេ វាគឺជាទំនុកចិត្តរបស់កីឡាករ ការខិតខំប្រឹងប្រែង និងភាពប៉ិនប្រសប់របស់បុគ្គល ដែលផ្គូផ្គងនឹងបរិយាកាសរបស់ក្លិបនៅក្នុងការប្រកួតនេះ។