លោក Jose Mourinho បង្ហាញជំហរដឹកនាំ Man United ម្ដងទៀតប៉ុន្តែ...

យោងតាមសារព័ត៌មាន Manchester Evening News លោក Jose Mourinho ចាប់អារម្មណ៍យ៉ាងខ្លាំងក្នុងការវិលត្រឡប់ទៅកាន់ Man United វិញ។

អ្នកចាត់ការសញ្ជាតិព័រទុយហ្គាល់ ចង់គ្រប់គ្រងបិសាចក្រហមម្តងទៀតក្នុងពេលដ៏ខ្លីខាងមុខនេះ ហើយត្រូវបានគេរាយការណ៍ថា គាត់ខ្លួនឯងបានប្រាប់មិត្តភក្តិរបស់គាត់ថាគាត់នឹង "ដើរទៅទីក្រុង Manchester" តែម្ដងប្រសិនបើចាំបាច់។

ជាមួយនឹងការលើកឡើងនេះ សហម្ចាស់ក្លិប Man United លោក Sir Jim Ratcliffe មិនទាន់បានបង្ហាញទំនោរបែបណានៅឡើយ ហើយលោក Mourinho មិនទាន់ទទួលបានការទាក់ទងណាមួយពីក្លិបឡើយដែរ។ គាត់មានអារម្មណ៍ថាឋានានុក្រមបិសាចក្រហមមិនចង់តែងតាំងគាត់ម្តងទៀតទេ បន្ទាប់ពីការចែកផ្លូវគ្នាយ៉ាងជូរចត់នៅឆ្នាំ 2018 ។

Mourinho បានដឹកនាំ Man United ពីឆ្នាំ 2016 ដល់ 2018 ដោយបានជួយក្លិបឈ្នះពានរង្វាន់ Europa League, Carabao Cup និង Community Shield ក៏ដូចជាបញ្ចប់ចំណាត់ថ្នាក់លេខ 2 ក្នុងយុទ្ធនាការ Premier League ឆ្នាំ 2017/18 ។