Manchester City ចាញ់ 4 ប្រកួតជាប់ៗគ្នាជាលើកដំបូងក្រោមការដឹកនាំរបស់លោក Pep Guardiola

Manchester City បានរងបរាជ័យបួនលើកជាប់ៗគ្នាគិតគ្រប់ពាន​រង្វាន់ចាប់តាំងពីលោក Pep Guardiola ចូលកាន់ដំណែងក្នុងឆ្នាំ 2016។ ជាងនេះទៅទៀត នេះជាការបរាជ័យលើកដំបូងសម្រាប់លោក Guardiola ខ្លួនឯង។

Manchester City ចាញ់ 4 ប្រកួតជាប់ៗគ្នាជាលើកដំបូងក្រោមការដឹកនាំរបស់លោក Pep Guardiola

ម្ចាស់ជើងឯក Premier League បានចាញ់ Brighton 2-1 បើទោះបីជាបញ្ចប់តង់ទី 1 ដោយការនាំមុខ 1-0 ពីការ​ស៊ុត​របស់ Erling Haaland ក៏ដោយ ។

បន្ទាប់ពីការសម្រាកអស់​១៥នាទី Brighton បានបង្វែរការប្រកួត ដោយ​ស៊ុត​វាយ​បក២គ្រាប់​វិញដោយកីឡាករឆ្នើម Joao Pedro និង Matt O'Riley ។ Matt O'Riley ​រក​បាន​គ្រាប់​បាល់​ជ័យជម្នះ​ក្នុង​ការ​បង្ហាញ​ខ្លួន​ជា​លើក​ដំបូង​របស់​គេ​ក្នុង​ក្រប​ខ័ណ្ឌ Premier League ។

នេះជាការបរាជ័យលើកដំបូងសម្រាប់លោក Guardiola ខ្លួនឯង

ជាលទ្ធផល Man City ឃ្លាតឆ្ងាយពីកំពូលតារាង Premier League បន្ទាប់​ពី Liverpool យក​ឈ្នះ Aston Villa ២ទល់០។ ហង្សក្រហមបង្កើនការនាំមុខរបស់ពួកគេដល់ទៅប្រាំពិន្ទុដាច់។